否认为杨明爆喊！庄思明计划结婚生BB

etin

艺人庄思明昨晚（22日）出席无綫台庆剧《十月初五的月光》首播活动，对于饰演童年版文初的妈妈，她透露非首次演妈妈这类角色，今次戏中的小演员只有几岁大，笑言绝对生得对方出。问到现实中可想做妈妈？她说：“尽快，有时去朋友屋企见到BB得意，都想有自己嘅BB。（有冇计划结婚？）都系朝住呢个方向，希望快啲有好消息，其实家长唔介意我哋生完小朋友先结婚，但我担心生完之后身形会走样，到结婚时就唔够靓。”

提到男友杨明官司缠身，思明坦言也想待官司完结才谈终身大事，对于近日不时于社交网抒发心情，她说：“有时喺网上搵到啲金句，想分享啲正能量畀大家。（有压力？）都系，尽量用乐观心情面对。”谈到早前杨明案件宣判结果后，她忍不住于庭上爆喊，她即澄清说：“我唔系爆喊，反而男友嘅朋友最激动，呢啲场合，我尽量都唔会表露自己嘅心情，返到屋企我都系平静，男友都表现坚强。（对判决失望？）唔评论，对佢都唔公平，但会喺佢身边支持。”她更爆料指杨明于大闸蟹季节丧食，结果肥了近20磅，故现时需要积极减磅。