男同学自弹自唱表白 庄思明无辜被夺初吻

etin

艺人庄思明最近重踏中学母校，与孖生家姐同校的她，曾被老师以为两姊妹是同一人，因而搞出大头佛！她难忘有男同学当众自弹自唱表白，还被夺去初吻，但最终没发展成恋人。

感情要好的庄思明与孖生家姐庄思华（Mona），由小学到中学都就读相同学校，由于孖生关系，2人在学校闹出不少乌龙事：“有个老师教咗Mona 3年都唔知有我存在，有次Mona唔舒服冇返学，老师见到我就闹我点解朝早走堂，我话我唔系Mona，佢以为我讲大话，仲话我再唔上堂就讲畀校长知。佢一直都唔信有2个人，后来我同级主任讲，先解决到件事！”

跟学长偷走

思明的初恋亦发生在高中，对象是校外生，但夺去其初吻的却另有其人：“有个同班同学锺意我，上音乐堂时，佢攞住结他唱《浪花一朵朵》畀我听，我有啲介怀，上堂做呢啲嘢搞到我畀人笑，好尴尬！之后有次成班同学去佢屋企玩，佢突然冲埋嚟锡咗我一啖，好无辜咁冇咗个初吻！”

​讲到曳曳事，她透露学校禁止学生外出午饭，但她会偷偷跟学长搭的士外出，有次更差点搞到妈咪报警：“当时差不多挂8号风球，学校通知家长接放学，学长话反正唔使上堂，就叫我同Mona一齐出去食下午茶，点知间餐厅喺地牢，收唔到电话，阿妈发咗癫咁搵我哋，去学校又见唔到我，Call 爆我机，佢话搵咗我1个钟，再搵唔到就报警！”