余香凝记忆力下降 产后首拍剧劲紧张

etin

艺人余香凝（Jennifer）、黄定谦、林千渟（前名：林婷）、陆骏光及方志驹，昨日（21日）为电台新剧进行拜神仪式。其中Jennifer是继产后首次拍剧，更与黄定谦有感情线，受访时她笑言剧中不做索妈，除低婚戒重回女儿身：“（戒指）摆咗喺银包，放工先戴番！今次角色系单身，有少少感情戏，似欢喜怨家成日嗌交，亲热戏都唔会太夸张。”黄定谦接笑说：“得5集好难太深入，只系互有好感，等开第2季！”

对于产后复出拍剧，Jennifer自嘲生完B脑容量急剧下降，故新角色可以帮自己Warm up，训练记性：“呢个专业角色成日要讲好多术语，生完记性真系差咗好多！讲紧背长多2、3句对白，都要用好多力去背，加上好耐冇拍嘢，第一个Take埋位真系好紧张！（囡囡半岁大出番嚟拍剧？）一冇嘢做就成日睇住佢啲相同睇Cam，哈哈！”续搞笑话有将角色学以致用：“觉得畀人操控价格都可以喺番呢个机构举报，做咗阿妈成日要买奶粉，依家留意多咗啲价钱。”

而黄定谦笑说真人跟角色一样为人随和，好少投诉，记者打趣笑指他剧中名字跟韩国型男宋仲基撞名，笑问背负住“宋仲基”演戏可有压力？Jennifer抢答大赞对方同样有型，点知黄定谦自爆得悉角色名时，内心有想改名念头，但幸好剧本是偏向轻喜剧，虽然是饰演专业查证人员，都不会有太大反差。