相差21年小男生示爱 菊梓乔：唔好睇小佢

etin

歌手菊梓乔（Hana）、谭嘉仪及郭伟亮等，齐为无綫选秀节目《声梦JUNIOR》担任导师。原本28位参赛者筛选馀下18位，昨晚参加总决赛录影，至少有两位胜出者可直入《声梦传奇2》。

18位参赛者由11-15岁不等，年纪最小为11岁张靖风。另外，13岁的童文人细鬼大，当众向Hana示爱：“我大个会追Hana姐姐，不过佢成日都唔肯关注我（社交网）。”他又直言自己英文名叫Ricky，事关妈咪偶像是Ricky Martin：“我唔锺意呢个名，等我大个自己改！”引得满堂大笑。

对于获年龄相差21岁的小男生示爱，Hana表示：“佢话会保护我，唔好睇小佢，唱歌好好听，又识玩乐器，不过我同佢讲，等你大个先啦，但到时我都可能变咗婶婶喇，哈哈！”今次担任导师，她形容自己是恶魔：“成日要扮恶，试过话再玩就淘汰佢哋，搞到佢哋爆喊，最终惟有呵返佢哋啰。今次啲女仔就比较成熟，反而啲男仔就变紧声，有啲输蚀。”

谈到有指无綫将大部分资源用于力捧“声梦”学员，Hana却不觉得自己被投闲置散：“我乜都唔理，好少睇社交网，亦唔觉得自己好空闲，况且依家都好落力咁做歌、录歌，出年可能会推出两张唱片添。”不过她承认目前未有新剧集主题曲在手：“上一只都经系年几前录音，我都唱好多啦，其他人都可以唱㗎。我就想做多啲其他嘅歌，依家都有5、6只新歌喺手。”