黄智雯谂起吴岱融就失眠：佢好凶残！

etin

艺人黄智雯（Mandy）昨日（18日）出席无綫新剧《隐门》（暂名）开镜，她表示看剧本时已经失眠：“剧中吴岱融系一个好凶残又暴力嘅爸爸，我细个嘅时候迫我接贼贜，令我有童年阴影，我读剧本嘅时候已经感受到岱融哥嘅气场，剧中仲要畀佢掌掴。（陈展鹏话以前拍剧畀佢掴十几巴。）我谂2、3巴，我系女仔应该会对我好啲，佢掴我一巴我都晕晕哋，我依家已经想像到佢个样，加上剧中有啲灵异元素，我会见到死去老公嘅幻象，成套剧我都系好大精神压力，而且我最近要排台庆，所以我自己都好大压力。”

另外，Mandy今次首度跟陈展鹏合作，配搭新鲜，而她亦换上新发型示人，她笑言：“之前几个角色嘅造型都好相似，怕大家睇到厌，我个角色系家庭主妇，系个弱者，经常受到奶奶同老公压迫，剧中成日畀人闹同打，我仲有落水戏，我唔系好叻游水，但要落水救人，所以今次喺体力同精神上都好大考验，希望圣诞前完成落水戏，否则好冻。”