张继聪陈家乐尖沙咀“劈友”太逼真 惊动警车到场

etin

艺人张继聪、黄宗泽（Bosco）、陈家乐昨日（18日）出席英皇电影《扎职2》开镜仪式，阿聪透露3人在戏中饰演由细玩到大的好兄弟，由小混混到加入社团之后上位，他自言在戏中角色属行动派，入面有不少打斗场面，问到有否受伤？他说：“大伤就冇，但每日都有啲损伤，加上我上一部戏又系要打，之前仲有伤患未好，要做针灸。”

阿聪指之前3人拍了场在尖沙咀的被追斩戏，由于太过逼真，惊动警车到场：“啲人以为真系劈友，我哋3个被十几人追，导演叫我哋全力跑，由天黑跑到天光，跑咗12个钟，跑完个人散晒，觉得个下盆散咗。”

Bosco坦言在没有任何跑步装备下狂奔，跑到筋疲力尽：“我叫阿聪就一就我哋，佢跑开马拉松。”家乐称该场口被途人拍下放在网上讨论区，以为真的发生打斗：“我见啲人将个过程写晒出嚟，话有个白衫嘅得罪人，所以被人追，有2个人出嚟保护佢，我睇吓啲相，白衫嗰个人咪系我自己。（你有冇留言解释？）我费事留言，佢哋作得个故事咁好。”

阿聪表示稍后三兄弟之间都有会打斗，扬言是男人暴力美学，不过他的打斗戏造型就吓亲服装部姐姐：“佢话做咗30几年，都未见过有人身上咁多血，啲血多到我喺屋企冲咗几次凉都冲唔走。大家拍摄都好认真，本身有啲场口替身可以做，但我哋觉得自己做到就自己做。”另外，问到3人有否感情线，Bosco及陈家乐均不约而同表示，第一次拍戏没有感情线，反而张继聪在戏中有太太，问到Bosco是否想跟对方交换角色，他即耍手拧头：“唔使，由得佢打。”