黄智雯未当视后变辣后 同家姐挑战“18禁咖喱”

etin

无綫好多艺人近年都开拓个人影片频道市场，陈敏之、陈自瑶等都已经储落唔少Fans。而今年有份冲击视后嘅黄智雯都非常勤力，经常喺影片频道推出新片，继邀请马国明、赵希洛同陈自瑶后，今次迎来亲生家姐Cathy亮相，齐齐大玩食辣挑战，黄智雯更放低花旦形象食到标眼水同鼻水，非常搞笑。

片中，黄智雯同家姐进行3个程度辣味挑战，分别系小辣麻辣米线、号称全日本最辣捞面，以及“18禁咖喱”。挑战前，黄智雯透露跟家姐由细到大都是无辣不欢，可能受妈妈同婆婆影响，笑言屋企三代都系“辣妹”，而自己亦流住“辣血”，佢家姐亦表示对食辣信心十足，唔少网民都话睇到好过瘾，想同佢哋一齐挑战劲辣比赛。