胡鸿钧自认同张智霖冇得比：我都有自知之明

etin

艺人胡鸿钧（Hubert）、何依婷等人于将军澳电视城出席《十月初五的月光》宣传活动，其中两人联同罗天宇一同表演合唱主题曲《祝君好》。而昨日正值海俊杰生日，石修亦将生日，故台上为他们惊喜庆生。讲到剧集即将出街，依婷表示：“好开心，台前幕后付出咗好多，自己都好期待。（首次担正做女主角，仲要台庆剧会紧张？）开心多过紧张，希望大家会锺意。”问到可担心外界将他们与旧版本比较？她坦言：“我冇谂咁多，如果要比较都冇办法阻止，但呢个系20年后再拍，剧情都有唔同，希望将经典带畀年轻一代可以睇到。”

Hubert就不怕比较：“因为大家已经比较紧，我都觉得理所当然，呢个系经典剧集，但戥依婷开心，大家赞佢外表甜美，但对我就好坏参半，话同张智霖冇得比，我自己都觉嘅。（唔开心？）冇呀，我都有自知之明，不过希望大家感受到自己都花心机、时间演绎，畀角色新生命。（监制赞你冇比下去？）估唔到监制会咁赞我，拍嗰阵其实佢好少赞我，可能佢想我保持谦虚嘅心态，好开心佢畀我正面评论，希望唔会令佢失望，知佢当初选角都有压力。”

讲到依婷继《星空下的仁医》后，连续两套剧出街，她就表示两个角色性格不同，一个温柔、一个任性。问到可有信心冲击视后？她坦言：“呢个好遥远，冇谂咁多，希望可以睇番自己有咩进步嘅地方，我就睇好李佳芯或者林夏薇。”Hubert亦分享经历：“当年我《降魔的》系戏份重嘅角色，又系台庆剧，都冇谂咁多，点知效果几好，多咗人认识我。（你有冇想冲击视帝？）我话要冲击视后㗎嘛，哈哈。”依婷即改口谓今年睇好Hubert攞视后，笑言让他攞视后，随后Hubert正经坦言：“对于影视奖项我抱参加party嘅心态。”