冇后悔离巢！周家怡捉紧所有机会：唔觉得自己红

etin

“英皇一姐”周家怡近年于影视圈大展拳脚，迎来事业高峰期！她事隔9年再拍无綫剧《星空下的仁医》，饰演医生的她事前为说服自己“转行”行医做了不少准备工作，上网搵海量手术片当煲剧：“最初睇系觉得好核突，但睇睇吓就麻木咗，今次可以入埋手术室做手术真系好好玩！”更搞笑自爆拍完剧一度走不出角色，代入感重到有日去医院做身体检查，险泊医生专用车位。

重回“娘家”开工的她直言感受很大，踏入电视城一刻回忆即涌现，展开寻找“脚毛”之旅：“行番好多以前行过嘅路，同导演、编审、幕后同事吹水嘅地方，佢哋真系由细睇到我大，觉得人生眨吓眼就过咗10年，以前又喺呢度10几年，好记得我系17岁入训练班，啲感觉返晒嚟！”

以剧本行先

若然时光倒流，她直言都会拣“离巢”路，捉紧身边所有演出机会：“点都试吓先，唔得先再算！明白到有好多嘢都唔系自己可以控制到，譬如有冇戏做、喺呢行仲行唔行到落去、观众锺唔锺意你，而我控制到嘅就系机会嚟到尽力做好个角色。”她续说不排除再接拍无綫剧，剧本可谓最大“利诱”，永远都会是以作品行先。

她近年专注向电影发展，成功打响知名度，惟她谦爆拒认当红，更笑言希望事业高峰期可以再高：“啲人成日都话我好正、好多嘢拍，但又唔觉得自己好红，不过今年可以剧接剧咁开我都好感恩，尤其是好难得遇到好嘅团队，同埋啲剧本都系我好锺意，带到唔同讯息畀大家反思。”