郭富城囡囡样子甜美似公主 大女长发Look渗少女味

etin

天王郭富城（城城）同老婆方媛（Moka）婚后育有2个囡囡，城城向来都好保护一对宝贝女，甚少畀佢哋正面曝光！方媛日前带埋2个囡囡去举加朋友嘅生日派对，佢喺社交网大晒靓相，罕有将囡囡嘅正面曝光，虽然用特效星星同心心，遮咗佢哋只眼，但系依然睇到佢哋样子甜美，五官标致，鼻尖尖嘴细细，十足小公主一样，非常可爱！

而另一亮点就系依家4岁嘅大女Chantelle，最近换咗新发型，留有一头长发，唔扎辫仔嘅背影，渗出少女味，而Chantelle已经极速快高长大，高到去方媛条腰啦，真系高得好快喎，随时再过几年高过爸爸妈妈呀！睇到3母女都咁靓女，网民都大嗌好羡慕，大赞2个囡囡遗传咗“最强颜值基因”，而有网民就羡慕方媛嫁得好幸福系人生赢家！