赞马国明妈妈牌章高 汤洛雯唔使松章

etin

艺人汤洛雯（靓汤）、高海宁（高Ling）、戴祖仪、薛家燕及吴若希等，昨日（13日）出席节目《麻雀斗室三缺一》拜神。靓汤表示自己牌艺属“稳阵派”：“同朋友打好细，觉得台湾牌上落大，好恐怖。（有冇同马国明屋企人打牌？）试过，都系过时过节，伯母（牌章）好劲。（有冇松章？）唔使啦，咩年代？总之打完佢都仲有同我倾偈，冇杯葛我。”

谈到马国明有意再置业，靓汤表示：“佢都回应咗，佢系有留意楼市，锺意投资砖头。（同你夹份一齐买？）唔会，因为我冇钱，同屋企人买嗰层楼负担已经好大。（叫佢加埋你个名？）唔使，我唔会因为咁影响大家感情，亦都唔会因为咁而选择信唔信任佢。我都有同佢讲，第二时一齐住，租楼都冇所谓！”

讲到她今年传了几次结婚，靓汤笑说：“唔记得喇，不过传闻有层次嘅，可能嚟紧传我哋隐婚。我依家都习惯笑住回应，最搞笑系朋友传短讯畀我唔系求证，而系恭喜我，或者到事实嘅时候，大家反过来唔信！”