陈晓华沙滩典来典去 擘埋一字马技惊四座

etin

前港姐冠军陈晓华之前喺剧集《七公主》被赞演技大跃进，多咗人赞就更加要全力以赴，做到最好，压力就随之而来。为咗减压，佢就去沙滩做瑜伽，仲将靓相放上社交网开心Share！只见着上性感小背心嘅佢大晒纤腰，喺沙滩做出一字马嘅动作外，做高难度伸展动作时更典来典去，真系睇见都赏心悦目。佢留言：“大自然嘅力量真系好强大，合起双眼，喺秋天嘅阳光同柔风嘅拥抱下，自由地让身体郁动，一呼一吸，就好似帮我清走身体累积嘅疲倦，不如你哋都同我一齐拉吓筋，帮身体注入能量！”唔少网民即大赞佢筋骨好柔软，更有人话：“好想同你去沙滩一齐典！”