两个仔轮住病劲心痛 陈凯琳睇郑嘉颖新剧爆喊

etin

艺人陈凯琳昨日（11日）现身尖沙咀Mira Place出席《Jingle All the Rail》圣诞亮灯仪式，对现场圣诞水晶球装饰爱不释手，她表示每年最期待就是圣诞：“可以同朋友玩交换礼物，又可以整蛋糕畀屋企人食。（会唔会带小朋友出去感受吓气氛？）有谂同囝囝去Staycation嘅，又会同佢哋行街睇吓圣诞装饰兼打卡。”她指朋友开设了甜品工作坊，会带大仔去整曲奇：“之前佢太细，怕佢入厨房会整亲，依家两岁几比较放心，自己亲手整系唔同嘅，人哋会食到你份心意。”

早前大仔疑出牙发烧，令她十分担心，她说：“后尾先发现原来系有炎症而发烧，嗰个星期我直情冇心机做任何嘢，最惨佢啱啱好番就到细佬发烧，因为佢哋一间房所以传染到，嗰个星期感觉好似成个月咁长。（系咪冇心情睇老公郑嘉颖套剧？）我同佢讲囝囝好番，我可以放松吓，点知一睇佢套剧又喊过，我哋平时可能都系面对啲小朋友伤风感冒，但嗰啲嗲哋妈咪每日要面对嘅嘢，佢哋好伟大。”问到睇老公拍剧自己会否戏瘾发作？她表示都想，但要照顾家庭没有时间，她说：“每晚追佢套剧都几过瘾嘅。（老公做成点？）做得好好，可能佢做咗爸爸后对小朋友份真诚，同佢哋嘅沟通表达都好自然。”