一洗“女神收割机”污名 何依婷证罗天宇冇撩女

etin

艺人罗天宇及何依婷因拍摄台庆剧《十月初五的月光》而传出绯闻，昨日（9日）首次于公开活动上碰头，更大方一同受访，男方说再见何依婷全不尴尬，但知道绯闻传出后对方有少许不开心，女方解释：“因为我哋真系做嘢，亦都好专业，真系冇做过任何嘢，觉得被屈好冤枉！但好彩我系金鱼记忆，3秒之后就唔记得。”

她续大赞对方其实是“好仔”，并非外畀所称的“女神收割机”：“佢系一个友善嘅人，好多人都可以做到好朋友，但佢唔花心、唔会周围沟女、撩女仔、口花花，真系唔系。”罗天宇闻言即感动多谢何依婷赞赏，又自责谓：“我都唔好意思，好似累咗佢咁！其实都有少少影响自己心情，当时拍紧剧，有逼自己Focus番。（担心影响你声誉？）冇呀！都系咁，哈哈！身边有朋友问过，我话‘下！咁都信？’，张相话我哋拖手，但我对手明明喺上面冇拖，只系借题发挥。”之后或真有机会发展？他坦言：“冇向呢个方向谂，依家都系专心做嘢先！”

讲回新剧《十》即将播出，他们均说好期待，其中何依婷首次孭飞台庆剧，问到会否大压力？她表示没有多想，拍摄期间完全专注剧本：“系咪台庆剧都唔由我控制，好彩成为台庆剧都系多得台前幕后嘅努力。”罗天宇赞对方虽然首次演重角，但都发挥得淋漓尽致：“唔似我之前做男一咁紧张，佢控制情绪自如，出到嚟效果更好，喊功又劲，真系可以10秒就喊到出嚟，呢方面我都要向佢请教！”何依婷谦称只是代入感重才可犹如“水喉”般丧喊，再讲到网民赞她于热播剧《星空下的仁医》中表现亮眼，她谓获称赞进步好开心，每次为演好角色，都会花时间研究剧本。