同陈自瑶扮婚变？王浩信封口：讲咗好多年

etin

​艺人王浩信昨日（7日）出席沙田马场活动，他透露已有很长时间未踏足马场：“上次嚟都系做活动，加上疫情好多公众地方都唔开，所以好开心今日可以出席。（平时有冇投注？）我唔经常，有时同朋友嚟会测试吓自己运气，运气都算OK，因为身边朋友识同有经验，所以都有所斩获。今日第7场系杯场，我又系7月7生日，所以我谂住买7号。（买几多？）买少少，我唔多投机，都担心运气唔好，都系要问番有经验嘅人嘅意见。我今日应邀嚟唱歌有酬劳，都好应该回馈一吓。（攞晒啲酬劳去投注？）咁都要留番车马费。”

王浩信跟太太陈自瑶关系近年扑朔迷离，日前2人分别在社交网上载与女儿到主题乐园的相片，疑似一家三口去玩，提起跟女儿去玩，他即时落闸说：“屋企嘢唔讲。（系咪一家三口去？）家事唔讲。”但他承认近期去过主题乐园，至于有网友质疑他们扮婚变制造话题，他说：“唔回应，讲咗好多年。”另外，王浩信透露难得最近不用拍剧，故会在台庆当晚有份表演：“我会唱歌，会同师弟一齐合唱。因为最近唔使开工，就可以专注彩排，希望带到精彩表演比观众。”