阿Sa离港一样咁有心 甫相贺妈咪生日有惊喜！

etin

英皇艺人蔡卓妍（阿Sa）最近同“龙虎豹”容祖儿（Joey）及锺欣潼（阿娇）一齐为综艺节目《容我Sa娇》开工，长时间都返唔到香港住，咁啱前日（5日）就撞正Sa妈生日，佢哋都冇得一齐过。不过有心唔怕迟，即使Sa唔喺香港，佢都依然越洋上载Sa妈生日靓相去社交网，又口甜舌滑话派咗爱猫呖咕同佢庆祝，公开冧妈咪！见Sa妈喺相中笑容满面，出名同阿Sa系饼印嘅佢，捧住大大扎花，气质、神韵都同阿Sa如出一辙，搞到大批网友都话一时间都误会咗以为系阿Sa嚟，睇多秒先回过神认出Auntie，两母女似足姊妹！