吴海昕轻松拍续集 余子明暗示无綫艺员冇礼貌？

etin

艺人吴海昕出席ViuTV剧集《940920》开镜，她坦言与上集《二月廿九》比较，今次无论于支线及角色发展都比较多元化：“呢集唔系净系感情线，讲亲情等等都有交代，加入咗好多新人物新关系，例如子明叔（余子明）系蔡思钧嘅爷爷，仲有谷祖琳。我同上集嘅角色人物关系都唔再一样，所以好有新鲜感。”

她又指两年前拍《二》，不少戏份于昨日（6日）开镜地取景，重临旧地印象深刻。问到有否信心收视再创佳绩，她答：“平常心啦，上次我好有压力，今次放松嚟演，同台前幕后都合作咗好多次，好有默契，同埋角色已经入咗血，拍摄好顺利。”

同时间拍摄另一剧集《i.SWIM》的她，表示自己的落水戏基本已完成，稍后不用挨冻。提到哪位男拍档的体形最吸睛，她笑谓：“佢哋个个话我最大份就真，况且我都好多对白，唔系净系享眼福。”

至于余子明以部头方式与ViuTV合作，自言与以往在无綫拍剧最大的分别是不用等：“基本上几点通告就几点拍，我78岁唔可以成日挨夜。我乜人都偈得倾嘅，所以今次同台前幕后都合作愉快，呢度啲人互相尊重咁啰。”他又表示自己记忆力已大不如前，经常遭太太投诉冇记性。