关礼杰全家上场 郑俊弘预告婚宴似开骚

etin

无綫游戏节目《思家大战》昨晚（5日）于将军澳电视城进行录影，艺人关礼杰率领女儿关枫馨等，以一家四口总动员上阵，再加上车婉婉，组成“关人车事队”出战，与肥妈、薛家燕、郑俊弘等嘉宾大斗法。关礼杰接受访问时，说首次一家四口参与游戏：“第一次全家总动员，玩游戏气氛好啲，冇咁多心理负担嘛！上次上节目唱歌，之前要练歌，好多准备工夫，压力会有啲啦，玩游戏嘻嘻哈哈嘛。（有冇信心攞奖？）我系最渣嗰个，所以要邀请埋车婉婉嚟。”关枫馨闻言即说：“车婉婉系我哋嘅秘密武器嚟，佢讲嘢叻，谂嘢又快。（咁你呢？玩游戏表现成点？）其实我觉得自己麻麻哋，因为有时谂到个答案，但系英文嚟，屋企人又唔可以‘提场’做翻译，哈哈！（呢个节目好玩，定系《男神厨房》好玩？）唔同嘅，呢个可以同屋企人一齐，《男神厨房》可以睇男神嘛。”

另外，久未露面的歌手郑俊弘（Fred）于去年与何雁诗（Stephanie）共谐连理，并将于本周日（7日）、即结婚一周年的日子于酒店补办婚宴，他说：“之前去咗美国做演唱会兼度蜜月，返嚟隔离完，又要准备拍《法证先锋V》。（星期日摆酒会有咩表演？）系呀，补番摆酒，都等咗好耐，呢几日同啲兄弟姊妹度紧，佢哋都觉得呢个似演唱会多过摆酒，哈哈！好热闹嘅，我同啲朋友会上台唱歌。（好多表演？）好似每道餸都有。（你咪冇得食？）预咗冇得食㗎，打定底啰，不过我都系唱几首啫。”他表示已邀请《流行经典50年》的乐手到场助阵，并会有点唱环节。