传马国明一早订好婚戒 汤洛雯35岁前嫁硬？

etin

视帝马国明同无綫花旦汤洛雯（靓汤）去年公开承认拍拖，一直盛传二人好快会拉埋天窗，不过姑终都系只闻楼梯响，昨日（4日）再有消息指马国明连婚戒都一早订制好，将会等埋二人嘅拍摄工作喺下个月拍摄完毕后，预计明年年初同靓汤拉埋天窗，仲话靓汤35岁前会正式成为“马太”。

就传闻访问靓汤，佢就即刻否认马国明送求婚戒，佢仲话男友呢排好忙，点会有时间。至于佢自己就一啲都唔心急嫁人，笑言多工作到根本冇可能结婚：“其实我真系一啲都唔急，其实做呢行都唔会特别心急结婚嘅，始终我觉得结婚一定要顺其自然，两个觉得适合嘅时候就会慢慢考虑嗰个阶段。最近我哋真系比较忙，同埋嚟紧佢好似一次过叠两套剧，所以话我哋出年结婚根本都冇乜可能。”靓汤续指希望可以好似普通人咁拍拖，叫外界畀空间：“其实喺感情上我哋两个都系慢热派，只想做普通情侣，不过希望大家畀啲空间我哋啦🙏🏻”

而马国明就回覆：“咁好笑！系咪见我有剧帮我做宣传？其实之前都讲过晒，如果系我哋会讲，大家唔需要猜测，当宣传啦！记得睇我依家出紧街套剧啦！”