何依婷担正做秘书 马国明林夏薇相隔7年再合作

etin

视帝马国明、林夏薇、黄嘉乐、张頴康、张达伦、丁子朗及何依婷等将于本月尾开拍无綫新剧《法言人》，此剧主角由四人担当，分别为马国明、林夏薇、黄嘉乐及张頴康。

在韩剧《金秘书为何那样》饰演秘书的韩星朴敏英，何依婷一直被指跟对方撞样，今次她在《法》中化身靓秘书，她接受访问时表示：“我角色系一个好温柔、善良嘅女仔嚟！但有好多唔好嘅嘢发生，所以情感戏比较多。”说到她每次演的角色都好惨情，她笑言：“可能我个人比较悲剧，监制都觉得我好适合。（好多喊戏？）暂时都未知，呢个女仔虽然有好多嘢发生，但系佢性格好开朗，所以未知系咪要全程喊得好犀利，收到剧本再睇吓先。”

在剧中，她是律师楼中的“众人”秘书，她笑言：“好多人之前都话我似金秘书，今次真系可以做秘书喇！（好似朴敏英咁多靓衫着？）虽然我呢个角色系一个悲剧秘书，但都多靓衫着，都系一个靓秘书嚟嘅！”而她与丁子朗于剧中有不少对手戏，二人是首次合作，丁子朗说：“我之前有偷睇何依婷喺《十月初五的月光》嘅拍摄花絮，觉得佢做得好好，所以都好期待。”

而马国明于剧中饰演一名八面玲珑的“金牌师爷”，专帮公司接生意，不过现时正忙于拍摄另一套剧《隐形战队》的他，未有时间看剧本。说到7年后再与夏薇合作，马国明说：“其实《寒山潜龙》我同佢都好少对手戏，所以今次好期待，因为做演员间唔中换吓对手系一件好事嚟，至于嘉乐同张頴康都好熟，《回到三国》、《BB大晒》张頴康啲演技真系愈嚟愈好，嘉乐之前有几部戏我都有睇，佢做得好好，而我同达伦啲对立戏都好期待，套剧话11月要开，但《隐形战队》我都要拍到12月，好多嘢都未知。”

而同样饰演律师的夏薇表示最近开始睇剧本做功课：“呢个角色系之前未试过，但又一直好想尝试嘅，会睇好多关于律师题材嘅电影、剧集，今次系我同马明好多对手戏，希望有唔同火花。”