陈炜心痛炎明熹太瘦：成日买嘢畀佢食！

etin

艺人陈炜昨日（1日）出席活动，身穿低胸装的她大骚事业线，提到她在无綫新剧《青春本我》中饰演炎明熹（Gigi）的妈妈，她表示已非首次演妈妈角色，好开心可以参与青春音乐剧，大赞拍摄手法似拍MV，效果好靓！

问到会否在剧中大展歌喉？她笑言：“有排未轮到我，我喺侧边辅助，完满啲。”她说一直有睇《声梦传奇》，感觉好像看着Gigi成长，她直言对Gigi感到好奇：“想了解佢，佢哋有时啲反应都几好笑嘅，不过我同佢哋都沟通到，明佢讲乜，Gigi真系好瘦，佢连22吋腰都冇，要返学又要兼顾拍剧，我都担心佢嘅体能系咪应付到，所以有时开工都会买嘢畀佢食。”

问到最近斥资千万购入大埔一豪宅，购入不久即有升幅，她表示最开心是买到心水地点，因为与未来的港铁站好接近。有指风水师认为该区有利于她，她觉得宁可信其有。问到是否能催旺结婚？她说：“我唔知呀，因为都要出年先入伙，依家仲未收楼，等我研究吓先。”她又承认是将来与医生男友的爱巢。

本月21日48岁生日的她，表示每年生日跟台庆日子相近，现忙于为台庆搵靓衫。至于男友会否送生日惊喜？她笑言没有所谓，可能会过二人世界，或者会跟几个朋友一起庆祝。

​