邓佩仪亲解10个月冇工开之谜

etin

​无綫台庆剧《换命真相》一众演员谭俊彦、邓佩仪、朱敏瀚、陈庭欣、蒋家旻、刘佩玥等，昨午（30日）配合万圣节主题，以“搞鬼”造型现身荃湾为剧集宣传。邓佩仪被问到有关遭公司雪藏一事时表示：“咁多年嚟都系第一次为工作喊。（觉得好委屈？）当然新闻系要娱乐到大家，呢样我明白嘅，自问呢9年都好努力工作，就算唔使拍嗰阵都会搵导演睇剪片，所以都有少少崩溃咗，但依家冇事嘅，明白有新闻价值始终系好事，为套剧宣传。（系咪10个月冇人搵你拍剧？）其实因加拿大嗰边有事要处理，半年前已请定假，其实一直都处理紧，所以中间呢段时间有啲剧同综艺节目都接唔到，原本9月就飞返去，但想做埋套剧宣传先，所以改咗11月先飞。（要处理乜？系咪结婚定生仔？）绝对唔系，哈哈！系屋企开心事嚟，不过唔透露住。”

她指未清楚要处理多久，所以未知归期。身旁蒋家旻亦替拍档説好话，指拍剧期间大家也辛苦：“因我哋3个女仔戏份都多又密集，每次问佢攰唔攰，佢都话唔攰唔眼瞓，佢真系好勤力。”

谭俊彦则现场献唱剧集歌曲，他指已很久没公开唱现场：“对上一次应该系2年前《包青天》，都好耐冇见fans啦，一直想搞聚会但又怕疫情而冇搞，佢哋一路都好支持我，之前我啲剧被人抨击，佢哋都有传讯息安慰我，以前我比较收埋自己，依家学识咗佢哋锡我，我要锡番佢哋。”问到万圣节会否与仔女一同扮嘢，他笑称：“我冇得扮啦，佢哋寻日学校已经玩咗，我个女搞错咗，扮咗个古装女侠，哈哈！（有冇谂过扮《鱿鱼游戏》？）之前陪佢哋去买衫，个仔想拣剧入面啲造型嘅，我即刻同佢讲No！（点解？）唔好啦，我有啲尴尬，同埋学校讲明唔畀，话套剧太血腥，我都唔想佢哋咁细个就接触啲咁血腥嘅嘢。”