锺嘉欣遇池晟变小粉丝 难掩喜悦合照𦧲饭应

etin

艺人锺嘉欣自婚后移居加拿大，专心照顾一对仔女，早年特意返港拍摄嘅无綫台庆剧《星空下的仁医》现正热播，虽然人已返回加国，但近日频频更新社交网，为剧集造势，非常落力。

前日（28号）佢晒出2013年前到韩国拍摄节目《度身订造旅行团》嘅片段，佢遇到男星池晟即时变成小粉丝，怕怕丑丑自我介绍，工作人员叫佢同对方合照时即大叫：“好呀！好呀！”

就算掩嘴都遮唔住同靓仔男神集邮呢份喜悦，自嘲：“我要矜持啲。”锺嘉欣眼甘甘咁望住对方，非常可爱，最后更同池晟揽揽道别，真系唔系人人都有呢个机会！虽然相隔8年，但锺嘉欣美貌依然完全冇走样，似足食咗防腐剂一样。