谭俊彦被赞神一般的存在 高海宁：佢系我搵老公嘅方向！

etin

高海宁与黄智雯昨日（28日）在将军澳电视城为无綫节目《男神厨房》担任嘉宾试菜。高海宁大赞谭俊彦是神一般的存在，直言节目中给他相当高分，她说：“佢每个餸、解答难题可以用滴水不漏嚟形容。”她直言会以谭俊彦为搵老公的方向：“识煮嘢嘅男仔已经加分，佢煮得好好味，仲好好锡老婆，简直系神一般嘅存在，佢内在比外在更高分，相信观众睇完呢集之后会对佢哗一声！”黄智雯亦大赞谭俊彦说：“佢煮嘅嘢食，加上佢分享同老婆嘅故事，真系感动到喊，佢可以话系男神新定义。”

谭俊彦讲到高海宁与黄智雯试食味后大赞他是男神新定义，他说：“有啲唔好意思，我都系煮啲好简单嘅嘢，好似三文鱼、鹰嘴豆、炒饭。不过，自己系好用心去煮嘅，同埋每样嘢自己喺屋企都试过好多次，上节目亦唔系为咗较分数，呢啲餸菜平时都系煮畀老婆太太食，希望佢食得开心。”问到可有信心进级？他说：“今次系有啲出猫嘅，之前跟李家鼎、三姐做《煮战》偷咗好多师，佢哋有啲似系啱啱学煮，如果我输就真系要打pat pat喇。”