戴祖仪狂写火星文引网友：那年15碎

etin

艺人戴祖仪（Joey）唔只唱得、演得，画画都好得，日前佢就喺社交**上载一张相，原来系佢中三嘅手册，见到每一日都画满唔同嘅公仔，全部都唔同样同表情，画风可爱，而左上角就写住佢偶像“Nichkhun”同“2PM”个名，侧边仲画咗几个心心，睇嚟佢真系好迷恋对方。佢发文写道：“话说最近执屋，然后Mama Thye搵到我中3时候嘅手册，见到每日密麻麻嘅功课，谂起都觉得辛苦，Siu4（笑死）。”佢仲扮番当年MK火星文hashtag写“那年15碎（岁）”。一众圈中好友同网友纷纷留言，其中张秀文仲“突破盲肠”笑佢：“请问个辛苦位喺边呀？”网友亦笑言：“差啲睇错以为系六格漫画”，但好多人都赞佢画得好靓，仲支持佢出漫画！