游嘉欣夺走初吻 林正峰献处男床戏

etin

“后生仔”游嘉欣及林正峰因合拍无綫短篇新剧《青年心城之撑起青春》而传出绯闻，其实二人私下老友鬼鬼，亦有多次做萤幕CP经验，早已建立深厚友谊兼默契。日前接受专访时，更大方笑谈“会否擦出爱火花”话题，他们不讳言谓只享受演绎情侣的工作时刻：“系拍档嘅火花，同其他人演未必会咁自然、合得嚟，但我哋各有主见成日嗌交，哈哈！”

对于首次担正做男、女主角，他们坦言收到消息当刻既兴奋又紧张，从未想过初入行就获分派重角，而由选角至竣工只是短短一个月时间，林正峰搞笑说犹如以光速体谅缩短版人生，自爆被游嘉欣夺去萤幕初吻：“虽然系隔住口罩锡，但都好紧张，未试过喺咁多人面前Kiss。”相反女方就显得轻松自在：“有口罩系完全唔紧张、唔担心，觉得好贴地，好Free咁样锡咗过去，系佢一睇到剧本就紧张到打畀我。”

不过一山还有一山高，原来林正峰于剧中还有更激烈场口，献出处男床戏，跟彭翔羚埋身肉博令他大呼无限尴尬：“上半身系除晒衫，个女仔要坐上嚟，仲要我对住个镜头做一个高潮嘅样！我冇谂过咁快！一嚟就已经去到咁入正题，真系好难忘！”又剧透之后会变瘫，然后会企番起身，亦有分手情节。至于游嘉欣就被初演成熟、有女人味的OL考起，开拍前不断向撞名女神偷师：“由细到大都好锺意锺嘉欣，觉得佢系好有女人魅力嘅前辈，睇吓佢啲相、平时访问、言行举止系点样。”

讲到最深刻难忘事，她直言不得不提煞科日，拍散Shot时竟然发生血光之灾，好番后都留有疤痕：“拍番学生时代我坐佢单车尾，第一Take上去嗰阵，我只脚踭摄咗落去个车辘度，跟住成忽皮冇咗，跟住即刻爆血，搞到成只袜都系。”林正峰解释因为是旧款单车，结构问题易失平衡，一用力踩左摇右摆就吓亲对方：“佢一惊个自然反应就会缩，即刻摄咗个辘度，真系超内疚！嗰场戏仲要无限轮回咗廿几次，佢一直忍住好叻！”