陈家乐自认跳舞似只蟹 唔敢做歌手怕影衰乐坛

etin

艺人陈家乐、廖子妤、白只、杨诗敏等昨日（23日）出席“《梅艳芳》电影制作特辑首播礼”，前两者分别片中扮演郑少秋（秋官）及梅爱芳，齐表示对唱歌戏份最感压力，当中家乐还要载歌载舞，自爆本身手脚不协调，跳舞更像一只蟹，问到为何也被选中？他笑说：“可能试镜前参考咗一幕张国荣嘅表演片段，导演畀我呃到，所以畀机会。（有冇谂住之后唱多啲歌？）如果真系做歌手，我应该会影衰乐坛。”

对于秋官当年被称为“排骨秋”，家乐透露拍时前未被要求减磅：“试镜时块面仲胀卜卜，虽然我好锺意模仿人，但今次秋官角色难度系9.0，所以都花咗6百几蚊学咗2堂日文发音，最难系要学原唱者喺走音与唔走音边缘唱法，同埋说话口脗。”

而廖子妤亦冇意转做歌手：“虽然我都锺意唱歌，唱K有时都几好听，但见到好多明明喺节目中唱得好好嘅人，都系有好多网上负评，睇到都惊，所以我都系专心演戏算。”更指试镜时被要求重演当年梅艳芳于电影《胭脂扣》时演绎的《客途秋恨》，为此特别花了近800元跟老师上堂：“南音嘅技巧真系好难，不过最后被拣中，个学费会觉得好抵。”