汤洛雯又跌亲 马国明扶实爆：似有咗！

etin

艺人马国明与汤洛雯（靓汤）昨日（22日）情侣档出席《无綫节目巡礼2022》，二人全程晒恩爱。讲到靓汤明显瘦了，马国明说：“健康最紧要，瘦唔系一定靓，依家健康就最靓啰！佢好论尽，寻晚又整亲。”靓汤即解释：“系呀！寻日我跌落几级楼梯，只脚损晒，但佢就唔喺身边，妈咪打畀佢，叫佢睇住我，当时佢开紧工。”

马国明笑言正拍摄《隐形战队》，由于很多动作戏，自己都周身瘀伤。问会否互相捽药酒时，靓汤笑谓：“唔使，我有帮佢按摩穴位。”马国明又指会扶着对方行，好似“有咗”咁，靓汤又怕大家乱写：“好似扶住老人家行咁！”问到马国明有否被靓汤妈咪催婚时，他说：“唔关事，我又要开工，都唔知点睇实佢！”靓汤即撒娇：“放弃我啦！”

靓汤又指被马国明赞新发型靓，年轻又后生，马国明说：“衬番佢智商，佢好细路女，好少嘢就会好开心，我妈咪都系咁！”靓汤又指马国明妈妈很容易相处，问对方有否当她是新抱仔时，她甜笑指住马国明谓：“问佢啦！”