邓佩仪惨遇渣男 蒋家旻教路：唔好尽信闺蜜！

etin

无綫台庆剧《换命真相》昨日（21日）举行宣传活动，剧中一众演员谭俊彦（Shaun）、张頴康、邓佩仪、刘佩玥、蒋家旻等齐齐现身大玩游戏。谈到剧情出现“渣男”一幕，邓佩仪坦言曾遇上类似情况：“大约5年前啦，都系圈外人，自己一个女仔朋友同咗我当时嘅男朋友一齐。（你点发现？）本身系感觉到，再喺个女仔嘅社交网睇到啲相，其实好多时都feel到嘅，加上渣男喺出面玩惯，会留低好多线索，依家对呢啲嘢都睇得好化。”身旁刘佩玥及蒋家旻为她大感不值，蒋家旻更提醒：“真系唔好尽信闺蜜呀！（你又试过？）我又冇，不过都曾经同渣男一齐过，后尾发现佢周围识女仔啰。”

剧中饰演同事兼好友的Shaun与张頴康，戏外一样好老友，Shaun説：“我同佢一拍埋就爆炸，好多女同事都顶我哋唔顺，好多时拍剧会飞咗唔知去边，我用泰文讲句对白，佢就会用韩文答，其他人想玩埋一份但通常都接唔到落去。”张頴康即补充：“我哋之间唔容许有女同事出现，阻住我哋讲嘢。（你哋会倾啲乜？）乜都讲吓啦，我哋关系好得意嘅，好多时出活动尤其大型嘅例如台庆，因为好多时要等埋位，我哋两个就会围住公司行圈系咁倾，但平日系唔会约出嚟或者倾电话。（会倾乜？讲凑仔？）呢样其实嘥气，因为个个B都唔同，大家凑法唔同，我教你我自己嗰套你都唔啱用啦。”