炎明熹喊唔出想打自己 姚焯菲话喊就喊

etin

艺人炎明熹（GiGi）及姚焯菲（Chantel）忙于为无綫新剧《青春本我》开工，昨日（17日）拍摄一场Gigi失猫后的喊戏，不过性格硬朗的她“喊唔出”，要导演在旁引导，不过作用不大，最后用纸巾交代拭泪。

GiGi孖住Chantel受访，Gigi对于“喊唔出”，她说：“我好少喊，平日即使真系想喊都会叫自己唔好，可能太多镜头捕捉住我喊唔到。我几次都喊唔出，多谢导演循循善诱冇嫌弃。（对上嗰次点解喊？）唔记得，负面嘢我又唔想记住。”

问到GiGi可会考虑上演技课增值自己？她说：“都会，唔知点解要喊又喊唔出，但唔拍我时，又喺度喊，好想打自己。”原来今日Chantel亦要拍喊戏，她说：“交代我望住只公仔，好唔开心咁喊，我又喊得出。”问她会否过招帮GiGi时，GiGi即抢着说：“冇用㗎，头先我系鼻水流先，即刻吸番入去，两行嘢好核突。”

谈到拍剧是否好玩？GiGi表示：“有难度，不过工作人员好好。（好攰？）今日唔算，之前试过夜晚有嘢做，第二朝又好早起身，对眼肿晒。”对于即将要测验及考试，问到可担心学业成绩？她说：“有冇退步唔知，不过我觉得自己更加专注，如果连呢两样嘢（测验加考试）都可以克服，就可以迎接更加大嘅挑战。”

Chantel则认为自己有责任演好每场戏，谈到要背对白，她表示如读书般将内容融会贯通，问题则不大。另外，对于有传林子祥及顾嘉辉加盟《青》剧，监制彭幼芳否认传闻：“佢哋冇On list，但会有串星嚟拍摄。”