由高海宁(高Ling)、张振朗和袁文杰主演的无綫新剧《童时爱上你》,日前进行外景拍摄,剧情讲到长子雷德信(袁文杰饰)得悉由高Ling饰演的妹妹雷紫彤,因意外导致记忆出问题,只拥有童年记忆,但父亲一直将事情隐瞒,袁文杰则想利用此消息作反击,将妹妹从主席位置拉下来。
高Ling受访时坦言做大人好难:“无论戏内戏外大人要好清醒,我哋除咗背对白,仲要好清晰上下场口要做乜,做小朋友就可以自由发挥同少少任性。彤彤呢个角色令我学到好多嘢,做大人要谂过度过先讲,考虑后果先做,要顾面子搵借口,小朋友思想简单直接,谂到乜就讲乜,做咗先,其实对于解决问题,呢种表达方式先系更好。”
不过若有得选择,现实中她仍选择做大人:“10几20岁觉得自己仲有大把时间,做好多无谓嘢,但人大咗,会识得利用时间去做更多自己想做嘅事。”身旁拍档张振朗笑称:“佢系大细路,演小朋友冇难度啦!哈哈!不过佢依然会交足货,记得有场戏讲佢一路听我讲故事一路喊,就算镜头冇影佢,都keep住喊交足戏畀我演落去,睇得出佢专业同好锺意演戏。”
|