艺人胡鸿钧(Hubert)及谢嘉怡(Lisa)昨日(15日)于大埔出席活动,后者更有父母现身支持,非常Sweet!Hubert于活动中问及“女友”蔡思贝?他说:“佢依家又剧接剧,希望佢争取时间休息。(你要筹备个唱咪少咗见?)最近系少见咗朋友,连私人时间都少咗。”
问到得悉“女友”被有米富商力追?他直言都是透过报道才知道,追问有否向“女友”求证?他否认是“八卦”冇过问:“好朋友要畀空间,佢想讲就讲,唔会刻意问,最紧要开心。(咁你听到女友‘一脚踏两船’有冇唔开心?)我冇嘢,但会戥佢唔开心,见到带伤害性字眼嘅新闻,会有影响,我系佢都会唔开心,佢承受好大压力,希望唔会再被写。” 问到若被有米富商“追”击成功怎么办?他竟语带轻松笑说:“我又追个女富商啰!睇机遇同缘分!(要同女友个富商睇齐?)我要更有钱,哈哈!(依家仲借家姐架车畀女友揸?)一路都系,家姐唔喺香港而佢又有需要。” 虽然即将于11月尾开骚,但他表示还未闭关,稍后还要宣传新剧:“有同公司讲如非必要就唔好接其他工作住,想多啲时间排舞,希望畀到Fans惊喜,而唔系惊吓!(跳好多?)都有四分之一,有早啲叫排舞老师开始排。”笑问跳舞是强项?Hubert先抵死自翊“简直轻而易举”,后笑说:“一定有难度!又唔系跳开舞,系个挑战。(有冇被举起360度嗰啲?)未知呀,哈哈!”
同场的Lisa表示依家拍剧学识睇机位,不过广东话仍然未够好。她笑说她于《爱·回家之开心速递》中的角色狂笃人魂精,Lisa大笑话好好玩:“依家笃得好准,Daddy平时都会同我玩。”有同爸爸对戏?她指有,并取笑爸爸是“老人家”:“佢话剧本啲字太细粒,我读完佢都未读到,我叫佢戴番眼镜好啲,哈哈!”
|