艺人陈欣妍出席ViuTV剧集《反起跑线联盟》开镜拜神,身穿露腰装的她表示首次饰演妈妈角色:“我做一个后生、唔小心有咗、唔成熟嘅妈咪,同其他父母嘅教育方法好大反差,因为我系完全冇方法。(做妈咪角色难唔难?)都难,冇谂过我呢个年纪咁快就做妈咪角色,哈哈,都系第一次同小朋友接触咁长时间,本身都好惊同小朋友同宠物拍嘢,但比我想像中好,佢哋好聪明,我个‘女’好叻,因为佢哋细细个就上堂。”
问到可有刺激她想快些做妈咪?她拧头笑言:“未有呢个打算,因为我工作上十划未有一撇,我唔想同角色一样,做唔负责任嘅妈咪,想搞掂自己先。(咁几时先搞得掂?计划几时生?)希望35岁啦。(男友沈震轩等到咁耐?)等到嘅。(有共识?)未有咁快。”她又透露男友还身在内地拍剧:“要12月先返嚟,佢去咗一年,因为佢一直接剧。(异地恋辛苦?)都好彩,因为我Keep住一直有工作,所以都好啲。”
|