全因一件白背心！马国明登“既高质又麻甩”榜首

etin

由李思捷主持及监制游戏节目《思家大战》，将于本周日（17日）晚播出第7集，该集将揭晓上周日推出的“思家观众大战”TVB台前幕后民调问答游戏题目“讲一个镜头前几高质，镜头后劲麻甩嘅TVB男艺员”的答案，而该答案亦会在今午于官方网站揭晓！

据知是次荣登榜首的男艺员为马国明，其馀依次为马德钟、黎诺懿、郑嘉颖、何广沛及林盛斌！由于相关问题涉及2个各走极端的形容词“高质”及“麻甩”，故无论结果如何均是一地花生，除了难以想像马德钟、郑嘉颖、黎诺懿等会与“麻甩”扯上关系，林盛斌与“高质”扯上关系亦同样令人意外。

不过冠军得主马国明却是众望所归，其实早于答案揭晓前，已有大批食花生网民路过投马国明一票！而据幕后工作人员透露，马国明之所以荣登“既高质又麻甩”榜首，全因其率性随意性格：“佢私底下一啲都唔贪靓，有时着件白背心就返工。份人又冇架子喎，成日喺canteen见到佢自己一个食饭，感觉好似街坊咁，唔讲真系唔知佢系做幕前嘅。”同样上榜的黎诺懿，则为好友马国明澄清谓：“其实马明一啲都唔麻甩喎，佢系锺意踢波咋嘛。同埋佢喺镜头后其实好斯文同好怕丑，尤其一多人或者有女仔喺度。”谈到自己上榜原因，黎诺懿大方表示：“可能我私底下嘅用词偶尔会有乡下话（粗口），所以麻甩。”

至于出名搞笑林盛斌，其上榜宣言则“麻甩不足，搞笑有馀”：“对于有人觉得我喺镜头前系高质，我系表示震惊但系欢迎嘅；而我真人麻甩到咁都竟然攞唔到第一名，我系表示极度失望同遗憾嘅！”“记恨”的林盛斌，更笑言对于上次“大胃王”一役输给陈嘉佳（细细粒）已相当唔忿气：“嗰次攞唔到第一名，我已经好唔开心㗎喇。”