前港姐朱千雪出席品牌活动,笑言很久没打扮靓靓出席公开活动,她说:“每次出活动都要同律师楼同经理人夹时间,好彩未打得成风,仲可以出嚟见吓大家。”问到之后可会再拍剧?她表示:“拍剧始终时间长,难就时间。(上啲综艺节目呢?)要由公司安排,但冇乜人邀请,睇吓有冇机会,哈哈。” 讲到近日与坐完月的好姊妹岑杏贤(Jennifer)庆生,她说:“系呀,佢坐完月就可以出嚟,不过我仲未探过BB,但有睇过啲相。其实我都唔好意思,佢系我第一个好熟嘅朋友生咗BB,但我都唔知身为朋友可以做啲乜,唔知坐月系咪可以去探佢,所以迟啲都会买番礼物送畀BB。” 问到何时到她生BB?她笑言:“顺其自然啦,不过有朋友生咗有经验,第时都可以多个人问吓。(叫Jennifer过两招?)佢都有叫我快啲生,第时小朋友可以一齐玩,但要等等先。(你要同老公夹时间?)顺其自然,始终两个都忙,而我又有两边,同埋都几enjoy二人世界,我哋结婚两年啫。(依家不设防?)顺其自然啦,主要工作行先,好彩长辈都冇畀压力。” ​
|