无綫视帝陈展鹏与太太单文柔拍拖出席纪录片《龙虎武师》首映,他笑言多谢8号风球:“本身有两套剧集《童时爱上你》同《隐形战队》要开工嘅,因为打风取消咗,所以我哋就可以拍拖嚟睇戏,龙虎武师喺我心目中都好有意义,一嚟佢哋代表香港,二嚟我自己平日都好多动作戏,当然我嗰啲系花拳绣腿啦。”
问太太单文柔有否担心先生经常拍动作戏会受伤,她説:“佢身手好敏捷㗎!我哋喺屋企间中会切磋下。(边个赢多?)梗系我啦,哈哈!”展鹏即风趣补充:“咁你明我点解身手敏捷啦!识得避嘛,哈哈!”他坦言太太其实非常体贴,有时拍剧撞瘀受伤,回到家太太会帮她捽药油,又説虽然当了爸爸,但唔会变得锡身:“好难嘅,如果你嘅动作比之前冇咁危险,变相冇咁好睇,当然安全措施要做足,尽我能力做好畀观众睇啦。”
|