麦长青唔觉得朱茵靓 同黎芷珊开工吵大镬

etin

无綫节目《童你一起长大了》由资深儿童节目主持谭玉瑛、黎芷珊等担任主持，前日（10日）播出一集以“童路同行”为主题，盘点历年儿童节目经典角色，其中饰演“麦侦探”的麦长青（麦包）以及“四眼鼠”的张沅薇现身话当年。

张沅薇与黎芷珊、朱茵及姚安娜当年均曾为“麦侦探”担任秘书，麦包逐个点评：“第一代芷珊系靓嘅，朱茵就精灵嘅。不过芷珊系锺意扮靓，管家婆类型。张沅薇就纯粹靓，不过冇脑！”

谈到当年朱茵的美貌，令《闪电传真机》台前幕后为之惊艳时，麦包却说：“系咩？唔好意思呀，阿茵，我唔会用‘靓’形容，只会用活泼开朗精灵聪明形容。同朱茵拍嘢时，佢转数好快、度嘢好快，亦都畀到嘢出嚟。”

而以拍片形式“敍旧”的朱茵，则大赞麦包是暖男大哥哥：“我唔开心，佢会问我点解唔开心：‘唔好咁啦，请你食嘢，唔好自己一个啦！’，所以觉得佢好亲切，我觉得麦包系我最friend嘅一个主持。”节目还曝光了朱茵的可爱童年Look。

另一位“麦秘书”芷珊，则大爆当年经常与麦包“拍到嗌交”，麦包说：“好记得有一次芷珊企喺度，我坐喺度，大家拗紧个剧本，佢问我：‘系咪我唔照你意思做，你就唔拍？’我就话系。”芷珊笑言后来因“赶收工”被迫“屈服”，又指麦包“好锺意改剧本”，她说：“佢要改埋你嗰个跟埋佢，但佢改咗真系好嘅。”

麦包又自爆当年的“麦侦探”All Back造型，是跟足电影经典角色“赌神”：“我当年塑造角色时，见到‘麦侦探’永远都啱晒嘅，我就环顾当时电影，只有一套都系永远个主角啱晒嘅，就系《赌神》。所以我就用赌神造型，一除帽就All Back。”