即将迎来家庭新成员的黎诺懿,为专心陪太太安胎不惜押后内地工作,留港做“跟得老公”,同时原来他计划踩过界做幕后,希望于综艺节目范围闯出一片新天地!
本已育有一子的艺人黎诺懿与太太追B成功,他自认是“紧张爸爸”,仍会每事问,加上因不想再错过BB任何成长阶段,自爆继太太佗第一胎“小春鸡”黎峰睿时,他推剧《包青天再起风云》后,近日亦为第二胎押后往内地工作,将重心放于家庭︰“撇除疫情,同小朋友相处嘅光阴得1次,我深信太太唔会再生第3个,今次相对嚟讲又比较轮尽,要先安抚大嗰个,心理辅导佢就嚟做哥哥,唔好畀佢觉得会被分薄爱,做好前期功夫,佢就会好锡细嗰个。”
黎诺懿于有份演出的《刑侦日记》暂时是他最后一部戏剧作品,剧中角色“江政勋”展现出人性最黑暗面,为夺权不择手段,甚至冇道德可言。讲到事隔10年再跟影后惠英红对戏,他表示更加尊敬对方︰“有场戏讲佢发癫咁呕,拍之前佢真系匿埋灌水、食饼乾,然后同导演讲OK就即刻扣喉,嗰刻我同自己讲唔好NG,红姐真系好专业, 永远做好晒功课,一嚟就‘上身’,呢个系我哋后辈要学习。”
演而优则导,黎诺懿近2年一直计划希望完成做幕后的心愿︰“下年就系入行20年, 好想喺第2个领域做啲嘢,见呢2年喺《逆境厨神》、《今晚请客》、自己品牌《懿想得到》都有少少成绩,有啲经验就希望喺综艺试吓唔同岗位,可能系导演、监制,手头上有啲计划,迟啲同大家讲。” 跳去另一层面吸收经验 他谓人生应该多尝试,从而爆发出不同“小宇宙”︰“如果你畀我继续做幕前,我只会惯咗用同一个模式做落去,冇咗新思维,但接触唔同嘅岗位同人,再睇番演员呢个身份,可能有种新嘅睇法。”他续自爆《爱.回家》中的“马壮”便是活生生的例子︰“大家对呢个角色好深印象,其实我系跳完《舞动奇迹》,个人睇嘢唔同咗,先会做到‘马壮’,觉得个人历练好紧要,依家就系时间转去另一个层面,继续吸收历练,对我嚟讲综艺节目唔同剧集,系易Handle、弹性又大啲,同埋我未有信心去导人演戏,反而导人做综艺我有信心,知道观众锺意睇啲咩。”
|