“收割女神”冇得避 罗天宇：唔通唔倾偈！

etin

无綫小生罗天宇，在新剧《把关者们》摆脱多年来弱不禁风的弟弟形象，首度拍动作戏，展现刚阳一面，他直呼过瘾：“做到好靓嘅动作好有满足感，初时都担心应付唔到，可能今次嘅动作比较简单，发现自己做得到，希望有机会试多啲。”入行13年才于去年首尝主角滋味，他自认性格内向又慢热，对演戏有一定阻碍，为做好角色，往往会给自己无形压力：“拍《跳跃生命线》嗰阵除咗失眠，仲试过一星期生咗几十条白头发，啲淋巴塞晒，肿到凸起咗，剧都拍唔到！又试过紧张到明明剧本睇咗几百次，但拍摄时个脑一片空白。”幸抗压能力现已提高，期待挑战打戏及反派角色。

工作以外，罗天宇最广为人谈论的是绯闻，更被封“女神收割机”，他坦言以前会因花边新闻不开心及失眠，很担心旁人目光，但现已学会接受：“冇办法，控制唔到，唔通一Cut机大家就唔倾偈。（对女拍档太好？）冇，有时会有啲避忌添！可能一开始有呢个名（女神收割机），只要见到我同女仔合照就会写，当系茶馀饭后话题，畀人笑吓啰！”问到感情状况，他表示现时单身，若拍拖会直认。