《拳王》成台庆剧 张振朗被加持冲击视帝

etin

每年无綫的台庆剧都备受瞩目，而今年台庆剧已有定案，除了本月18日首播的《星空下的仁医》及《换命真相》外，紧接播出的两套台庆剧，分别是胡鸿钧及何依婷担演的《十月初五的月光》，以及黎耀祥、张振朗及姚子羚主演的《拳王》。

张振朗在今年年初已表示想《拳王》快些播出，当他知道此剧成为台庆剧后相当开心，剧中饰演拳手的他接受访问时说：“因为摆咗好多心机落去，净系身形上，都用咗一年时间去操，多谢监制陈耀全同一班编剧，因为个剧本好好，今次我亦遇到好多好对手，接到呢套剧好幸运。”振朗今年入行刚刚十年，坦言希望有个新形象给大家：“呢个角色同以往嘅好唔同，系一个新挑战，剧中角色自己非常锺意，呢套剧真系唔容易，打拳戏系超级难演！”

振朗不讳言此剧是入行以来最辛苦的一部，拍到最后一日时，更忍不住喊了出来：“因为要keep住身形，角色好沉重，好艰难，但又好开心，因为突破咗一啲嘢。（有冇信心攞视帝？）随缘啦！上年攞咗‘我最喜爱电视男角色’已经好意外，观众锺意个剧就心满意足。（睇好黎耀祥再攞视帝？）我梗系撑祥哥啦！佢个角色好犀利，57岁都搞到个身形咁fit，好厉害，所以我都系会撑祥哥！”

另外，何依婷首次成为台庆剧女主角，接受访问时说十分开心：“我自己好期待，因为台前幕后都花咗好多努力，当然拍嗰阵冇觉瞓会觉得好辛苦，但齐心合力做好成件事系好开心，辛苦啲都值得！”问到有否信心夺“视后”时，她说：“奖项我真系冇谂，只希望观众锺意套剧，带到新鲜感畀大家。上年自己首度喺台庆颁奖礼获提名，今年都系随缘，冇谂咁多，拍到同埋掌握到好角色，系一件好开心嘅事，‘君好’呢个角色好有挑战性，一人演三个角色，情绪上亦好多变化，希望出街时反应好！”