锺嘉欣晒超流利英文 网友直呼“耳朵怀孕”

etin

艺人锺嘉欣去年回港拍摄无綫剧集《星空下的仁医》，更成为今年嘅台庆剧，有望冲击视后宝座！现时身在温哥华嘅佢，虽然未能返港宣传，但就继续于个人影片频道拍片Keep住人气，同时为新剧造势。昨日佢就拍片大玩急口令，出名英文水好嘅佢挑战英语急口令当然完全无难度，第一次试玩即一Take pass，部分急口令更系零失准，3秒读完一句长句子，相当犀利，网友就笑指其口音动听到“耳朵怀孕”。之后，佢再大玩中文急口令，虽然佢自去年回港拍剧后，已有接近一年冇长期讲广东话，但咬字依然非常标准，阅读中文字都完全冇问题，不过就愈读愈乱，唔单止将“鸡骨”同“龟骨”捞到乱晒，仲将“邰”字读错成“邵”字，但网民一样受落，大赞佢广东话冇退步。