黄智雯演流产戏喊到傻：Cut机都唔识收声

etin

艺人王敏奕及黄智雯出席无綫热播剧《把关者们》宣传，二人不约而同穿上低胸裙吸睛，智雯笑说：“今日系悉心打扮嘅，因为都好耐冇出席剧集宣传喇，心情仲有啲紧张添！”

对于网民指智雯今次戏份似“戥脚”，戏份较少，敏奕闻言帮手解围：“系根据剧情发展啫，嚟紧讲佢同袁伟豪夫妻感情就会好多发挥喇。”智雯即接口：“网民好有想像力，话我同敏奕嘅眼神交流有SheShe Feel，又话我哋似足两姊妹，其实根本唔关事。依家系因为我冇乜工作戏，但跟住会交代我经历女人最痛（流产），开始趋向激情演出。”谈到拍摄流产戏，智雯坦言：“我份人平日比较冷静，今次喊咗成年嘅眼泪，Cut机都唔识收声，袁伟豪喺隔篱安慰我。我本身冇小朋友，咪幻想自己失去咗狗仔啰。”

至于敏奕今次扮演精叻女海关，现实生活中觉得自己同样醒目的她，却被老公曾国祥嫌蠢：“佢成日话我唔叻，我觉得自己照顾到自己已经好叻，咁我最叻咪拣咗佢做老公啰。（老爷曾志伟又升职。）恭喜佢。（怕唔怕畀观众又话你好机会？）相信观众嘅眼睛系雪亮嘅，睇得出我嘅努力就自然有机会啦。”