张智霖严选3位圈中贵人 最后一位你估唔到

etin

张智霖向来都系圈中“万人迷”，交游广阔嘅佢一直多贵人帮助，难怪红足咁多年。近日参加综艺节目《披荆斩棘的哥哥》嘅佢，喺最新播出嘅Plus版中，Rapper Bridge就叫张智霖排名人生遇到嘅3大贵人，到底佢会点排位呢？第一个贵人，张智霖冲口而出话：“我老婆吧！”人人都知佢有几锡袁咏仪（靓靓），如果唔拣靓靓，网民都讲笑话惊佢“小命不保”。至于第2位贵人，佢话系无綫一位监制，不过佢就冇开名话系边个，只透露：“以前有找我拍《天地男儿》，然后《冲上云霄》都是他找我拍。”网民估计系戚其义或者梁家树。而最后一位贵人，大家一定估唔到，因为张智霖话系自己：“我还是自己发力的！”