苏皓儿打波造型劲求其 呻吸引唔到男仔

etin

艺人苏皓儿出席篮球赛活动，应记者要求带波及射篮展球技。受访时她笑言自己的“撒手锏”是帮手出圈及射三分：“点都唔够男仔斗嘅，所以喺外围帮手。”一向喜欢落街打波减压的她，未有试过因此结情缘：“因为自己打波打扮比较求其，吸引唔到男生。（锺意运动型男友？）都几吸引，不过我拣对象睇性格多啲，都要大家夹到。”

目前忙拍新戏的她，自爆活动后即赶往现场开工，今次戏中她饰演塔罗牌师傅，负责协助调查案件。问到是否也笃信风水命理？她说：“旧年开始都有睇风水，依家开始配戴水晶。摆风水阵都系同事业及人缘有关。上年话我忌水，所以今年先去学潜水，希望迟啲可以出去旅行玩吓。”

谈到新戏与型男吴卓羲和栢天男合作，她说：“之前同栢天男合作过，但今次嘅角色大家都好唔同。吴卓羲就未开工，不过之前见佢嘅访问畀人感觉好友善，相信我都冇压力。（呢类男仔系唔系你杯茶？）佢哋外形吸引，不过工作唔可以谂感情嘢。”