出道22年惊喜浪接浪 容祖儿宣布出广东大碟

etin

天后容祖儿（Joey）为庆祝出道22周年，推出新歌《不配》更亲自担任导演，前日（29日）出道纪念日，佢特意抽空于社交网开直播，为大家接连献唱《不配》及《东京人寿》等歌曲，更宣布好消息，预告推出全新专辑：“我张唱片如无意外将会喺11月17日推出！虽然有好多工作忙，但我一直都冇忘记过出碟呢个最大嘅工作。”又透露其实专辑自2017年开始筹备，至今年认为系时候“收成”，大碟会收录《心之科学》、《Pretty Crazy》等未出碟歌曲，以及3首新歌共9首作品，亦系自《J-Pop》后暌违5年再推出嘅全新广东大碟。

而讲到新歌《不配》，佢就表示早在2018年已开始录制，但一直未为满意，直至今年推出《烟花纪》后再次透过云端完成录音。至于提到首次正式做MV导演，佢就自爆原来早在20年前受电台邀请，已曾小试牛刀为自己嘅MV执导，当时嘅男主角更系一代男神：“有粉丝搵番畀我睇，我先记得原来我20年前做过导演，你知唔知个MV男主角系边个？系吴彦祖！嗰阵有个活动搵我哋一班乐坛新人自己拍番MV，但当时咩都唔识，完全唔知发生咩事，今次就好好多。”