马国明男一地位不保？刘佩玥化身“罗拉”劲吸睛

etin

无綫新剧《隐形战队》无论班底定演员阵容都非常强劲，有视后唐诗咏、视帝马国明、最佳男配角陈山聪及港姐季军刘佩玥（Moon）等，而监制就搵嚟文伟鸿！前日大热天时，佢哋都要拍外景，又秋冬衫上阵，担住遮嘅诗咏同两男子都话好晒，质疑：“点解有人可以饭前收工嘅？”马国明就话：“男主角嘛！”不过唔系讲紧佢喎，而系另有其人，大家异口同声话：“咪就系林子善啰！”

镜头一转，就见到子善搽太阳油：“我哋嘅感觉好热血，系热血干探，咁梗系要有番啲气势，你哋着长（袖）衫，如果唔系我都会帮你搽！”之后有人就提议佢帮阿Moon搽，子善笑言：“好多人都想帮阿Moon搽，我都好想搽呀！”而阿Moon即尴尬得拧头微笑回应，不失礼貌，非常搞笑！而佢嘅一身《盗墓者罗拉》造型就非常抢镜！