张栢芝唔落妆冲去游水Chur到闩门 毛巾包头自毁形象

etin

女星张栢芝虽然工作忙碌又要兼顾家庭，但亦不忘做运动维持强健体魄，日前佢即使工作到夜晚10点几，都坚持赶回酒店游泳池游水，刚做完嘢尚未落妆嘅佢仲自嘲：“妆都冇落，游完先落，啲人心谂呢个女仔做咩化行妆游水！”之后佢顺利赶得切抵达泳池，仲游到泳池关闭先舍得上水，最后急急洗头匆忙离开，仲急到要用毛巾包住头咁离开酒店，佢即笑指自己向来不顾形象：“我经理人话‘明星嚟讲你都算系最随便’，我问点解？‘边有人会好似你依家咁样企喺酒店门口㗎？’我唔理啦，咁我系人嚟㗎嘛！”

另外，佢亦拍片指希望以自己做例子，提醒大家唔好搵借口逃避做运动，又自言游水除为咗身体健康，更可以减压：“平常工作太累，带小孩太累的时候，其实我很需要脑袋放空，不单是游泳，其他运动都可以。然后都可以有优质的睡眠时间，很多人问我为甚么可以坚持下去，但一天一天这样坚持可以找到很大的乐趣。”