谢嘉怡玩复古Look 似柯德莉夏萍定红姑？

etin

前港姐冠军谢嘉怡（Lisa）卸任后一身轻，最近玩起复古风，早前佢穿上皮手套加格仔裙，仲一改素颜示人，化番个浓妆，即刻好似返咗90年代！玩过翻寻味，昨日Lisa再度上载另一辑复古造型嘅相及片，而且背景仲相当怀旧，片中以《Pretty Woman》一曲作为背景歌曲，身穿红色连衣裙配太阳眼镜的贵气造型嘅Lisa兴奋到不停转圈，似足《风月俏佳人》中的Julia Roberts，而网民就留言话佢好似红姑（锺楚红），但Lisa混血嘅五官都有少少似一代女神柯德莉夏萍。