似到震！获李龙基嫩妻送人像画 关嘉敏恨“拜师”

etin

艺人关嘉敏（Carman）喺社交网大晒两张人像素描，原来画作系出自无綫“御用皇帝”李龙基位嫩妻Chris嘅手笔，佢接受访问时话：“嗰次见基嫂带住幅画嚟饭局，就好奇问边个画，知道系佢画就好欣赏佢嘅才华，倾倾吓先知原来基嫂乜画都识，仲要好靓添。”之后就收到基嫂送嚟嘅两幅人像画，令佢惊喜万分，大赞画中嘅人栩栩如生，画功一流，佢又话：“系基嫂话睇到我社交网啲相，觉得好锺意，问我可唔可以用嚟参考，我梗系话可以啦，好荣幸添呀。”

Carman又话和基嫂成为朋友后，有意跟对方学画画，原来佢读书时都系进修Art，只系画功未够精进：“嗰时食饭，基嫂已经教我用唇膏画山水画，经佢指导后，幅画真系几靓，所以好想请佢过两招畀我，因为画画可以减压。”