女儿当入樽︱苏皓儿系神射手 全场最高分

etin

艺人苏皓儿（Chloe）与余晓彤（Hidy）联同一班本地职业篮球员，昨午（25日）现身屯门屋邨篮球场，上演一场街头篮球表演赛，Chloe更频频远射得手，21分赛制中个人夺取过半分数，成为得分王。

赛后Chloe搞笑表示：“球证旁证全部都系我啲人！哈哈！（今日入咗几多分？）好似入咗十几分，其实因为对手系资深篮球员，对住我咁业馀嘅玩家放水我先会入啫。（打咗波几耐？）都打咗4年街场，通常夜晚打，因为好怕晒，所以今日都几辛苦，当年事业低潮又冇运动，朋友就拉我出去打波，打吓打吓爱上咗，依家都keep住同圈内朋友打街场。（多唔多女仔打？）通常有一、两个嘅，自己唔够男仔撞，所以都系mark番啲女仔球员。”她坦言自己少有关篮球工作，所以今日好开心。

Hidy冇落场，她笑説今日主要做“收塑佬”，她说：“今日主要嚟回收饮完嘅饮品铝罐胶樽，要嚟做啲环保嘅嘢。（做乜唔落场打？）我以前都有跟队打街场㗎！自从打过一次全场就惊咗，嗰阵以为自己好高啦，点知对手仲高，食咗好多下批踭，之后都系玩番啲个人运动。”她说因前夫乃甲一篮球员，所以有10年睇本地职业赛经验，今日见番一班篮球员朋友好开心，觉得好热血。